បន្ទាយមានជ័យ៖ យោធាថៃបានចាប់ខ្លួនពលរដ្ឋខ្មែរចំនួន២៤នាក់ដែលកំពុងព្យាយាមឆ្លងចូលទៅទឹកដីថៃតាមច្រករបៀងចូលមកស្រុកអារញ្ញ ខេត្តស្រះកែវ កាលពីថ្ងៃទី៨ ខែមករា ឆ្នាំ២០២២។

ការឃាត់ខ្លួននេះធ្វើឡើងចំនួន៣លើក ដោយលើកទី១នៅបរិវេណភូមិកុតហ៊ីន ឃុំផានសឹក ស្រុកអារញ្ញ ខេត្តស្រះកែវ ឃាត់ខ្លួនបាន១៣នាក់ ក្នុងនោះស្រី៦នាក់ លើកទី២ឃាត់ខ្លួន៩នាក់ទៀតនៅបរិវេណភូមិ ប៉ារ៉ៃថ្មី ស្រុកអារញ្ញ ខេត្តស្រះកែវ និងលើកទី៣ឃាត់ខ្លួននៅជិតព្រំដែនអន្តរជាតិប៉ោយប៉ែត។

សរុបនៃការឃាត់ខ្លួនសមត្ថកិច្ចថៃឃាត់បានចំនួន២៤នាក់ ស្រី១៣នាក់ និងក្មេងស្រីម្នាក់។

ជាមួយនឹងការឃាត់ខ្លួនជាបន្តបន្ទាប់នេះ សមត្ថកិច្ចថៃក៏ឃាត់ស្ត្រីជនជាតិថៃដែលពាក់ព័ន្ធនឹងការនាំមនុស្សឆ្លងដែនខុសច្បាប់នេះចំនួន៥នាក់ផងដែរនៅភូមិទ័ពសៀម ឃុំ/ស្រុកតាប្រាយ៉ា ខេត្តស្រះកែវ។

ក្រោយសមត្ថកិច្ចថៃសួរនាំពលករខ្មែរទាំង២៤នាក់ និងពលរដ្ឋថៃ០៥នាក់រួចរាល់ ក៏បញ្ជូនទៅឲ្យជំនាញ ដើម្បីចាត់ការតាមនិតិវិធីបន្ត៕